Huldra i Raukleiv s24k24
Han Gamle-Helge Jordal såg ei hulder ein gong. Ho gjekk oppetter Raukleiv ifrå Nestastøl til Øvstastøl med ei mjølkebøtte i handa. Det var midt på dagen, og han såg alt så tydeleg. Ho bar laust hår som fløymde rikt nedetter skuldrane og ryggen. Elles gjekk ho i grøn stakk og var berr-arma.
Språkleg omarbeidd av BB/NTØ
Haldor O. Opedal: Makter og menneske. Folkeminne ifrå Hardanger 1, 1930, s 81
Kjeldetekst
Han Gamle-Helje Jordal vart vis med ei hulder ein gong. Ho gjekk uppetter Reuklaiv ifrå Nestastøl té Øvstastøl med ei mjølkebytta i handi. Det var midt på dagen, og han såg alt so skilleg. Ho bar laust hår som fløymde rikt nedetter herdane og ryggen. Elles gjekk ho i grøn stakk og var berrarma.